السبت : 21 - أبريل - 2018 م

رئيس مجلس الإدارة
حسنى محمود

رئيس التحرير
وليد عادل

طلاب الإخوان يرصدون معاناتهم داخل السجون بـ «تعرف ايه عن السجن؟»

طلاب الإخوان يرصدون معاناتهم داخل السجون بـ «تعرف ايه عن السجن؟»

دشن طلاب الأخوان علي صفحتهم الرسمية بموقع فيس بوك والمعروفة باسم "طلاب ضد الانقلاب"، عدد من الحلقات بعنوان "تعرف ايه عن السجن؟"، بهدف تسليط الضوء علي معاناة الطلاب المعتقلين بالسجون، والتعسف معهم ومع ذويهم لزيارتهم وانتهاك لإنسانيتهم وكسب التضامن معهم.

واتخذت الصفحة "بروفايل" للحلقات يمثل أحد الطلاب يرتدي البدلة الحمراء ومنكس الرأس داخل زنزانته المغلقة وعلي بابها حارس، ودشنوا هاشتاج #الحرية_للبنات، #هاتوا_اخواتنا_من_الزنازين، في ختام كل حلقة عن الحياة في المعتقلات.

وجاءت في الحلقة الأولي "عايزتعرف يعنى ايه السجن؟ ..ادخل اوضة نومك ، اقفل بابك وارمى موبايلك والتليفزيون والكمبيوتر والانترنت، شيل الدواليب والبراويز والسرير والكومودينو وأى حتة خشب طلعها بره، اقفل شباكك (سيب فتحة متعرفش توصلها لو نطيت) وحط عليه حديد".

وتابعت الحلقة " تخيل حفرة، وحنفية على ارتفاع 25 سم، وغطى المكان ده بملاية متعلقة على حبل ..كده بقى عندك حمام ".

ووصفت الحلقة الثانية الوحدة والعزلة والتضييق  التي يتعرض لها المعتقلون " كل يوم الصبح الساعة 7 هنفتح عليك الباب تطلع الزبالة وهتلاقى شوية طماطم وخيار وعلبة جبنة مرميين على الأرض ، خدهم بسرعة علشان هنقفل الباب ، حاول تكمل نومك ، ساعتين هنفتح عليك الباب تانى تخرج بره الأوضة - هتتمشى فى الطرقة ½ ساعة (طبعاً مفيش خروج يوم الجمعة ولا أى يوم أجازة) ... تمام ؟".

 واشارت الي حبس السياسين مع جنائيين "هتتعرف على أسامى جديدة: شفة - بطة - العريان – ضبو..".

وأشارت الحلقات الي عدد الزيارات المحدود والذي لايتجاوز دقائق معدودة "أهلك هيجولك ½ ساعة كل أسبوع.. هتشوف 2 بس كل أسبوع ، ممكن يبقوا بالصدفة 3 بس متتعودش على كده، هيجيبولك أكل ، خلصه فى نفس اليوم علشان لو ركنته هيبوظ من الحر أو الصراصير.. أصحابك وقرايبك ونسايبك انساهم بقي".

 الكلمات المتعلقة

  • لا توجد كلمــات
  •  تعليقات الزوار

    اقرأ ايضا

    أهم الأخبار

    الدليل التجارى

    المزيد

    test

    السيارات

    أبو يوسف للحلويات

    محلات متنوعة

    شركة سوا4

    تصميم و برمجة

    الأخبار و المقالات


    بوابة الدقهلية على الفيس بوك